Publikuar me datën: Sat, May 29th, 2010

Ish-luftëtarët kundërshtojnë paqësisht zgjedhjet serbe

Prishtinë, 28 maj –  Nikoqir i dy ngjarjeve do të jetë qyteti i Mitrovicës këtë të diel. Në kohë të njëjtë, kur mund të votohet në zgjedhjet lokale të Serbisë në veri të Mitrovicës, në jug të qytetit tri organizatat e dala nga lufta e Ushtrisë Çlirimtare të Kosovës do të protestojnë për ruajtjen e sovranitetit të Kosovës.
Përfaqësuesi i Shoqatës së Familjeve të Dëshmorëve të UÇK-së, Xhavit Jashari, dhe kryetari i Organizatës së Veteranëve të Luftës së UÇK-së, Muharrem Xhemajli, dy ditë para zgjedhjeve serbe kanë paralajmëruar përmes një konference shtypi se në fund të kësaj jave në qytetin e ndarë do të protestohet me moton: “Të mbrohet sovraniteti i Kosovës”. Ata kanë treguar se vendtakimi i qytetarëve për protestën me karakter paqësor e të lajmëruar në Policinë e Kosovës do të jetë në “Sheshin e Jasharëve” e pastaj do të marshohet deri te sheshi “Isa Boletini”.  
Edhe Xhemajli e edhe Jashari kanë treguar se qëllimi i protestës është dërgimi i mesazhit të njëjtë edhe tek autoritetet ndërkombëtare e edhe ato vendore në Kosovës, se lejimi i mbajtjes së zgjedhjeve serbe në veri të Kosovës paraqet cenim të sovranitetit dhe integritetit territorial të vendit dhe se ata që janë kompetentë për ta ruajtur atë duhet ta bëjnë një gjë të tillë. 
Me gjuhë të ashpër, përfaqësuesi i SHFD të UÇK-së, Xhavit Jashari, është shprehur se Serbia po e shfrytëzon papërgjegjësinë e faktorit politik vendor dhe atij ndërkombëtar për të organizuar zgjedhje në veri të vendit.
“Këtyre mekanizmave ndërkombëtarë, qoftë të ftuar nga vendorët, qoftë të dërguar nga shtetet e tyre, që çdo ditë me deklaratat e tyre që paraqiten para medieve thonë se jemi duke e luftuar krimin e organizuar dhe është shumë e vërtetë se janë duke e luftuar në një pjesë të Kosovës, shpeshherë paraqiten edhe me deklarata bajate se janë duke e luftuar edhe atje ku nuk ka, mirëpo një gjë e tillë nuk ndodh në tërë territorin e Kosovës, pra nuk ndodh në veriun e Kosovës, u bëjmë thirrje që ta kryejnë obligimin e tyre me çka i ngarkon dhe i obligon edhe Konventa ndërkombëtare”, ka thënë Jashari. “Serbia në veriun e Kosovës ka sjellë kriminelë, të cilët veprojnë, punojnë dhe jetojnë e që i ndjek edhe Gjykata ndërkombëtare për krimet që kanë bërë ndaj popullatës shqiptare në Kosovë, dhe këta faktorë ndërkombëtarë nuk marrin asnjë hap konkret ndaj këtyre kriminelëve, që KFOR-i dhe EULEX-i i di edhe me emër e mbiemër”.
Jashari me variantin e tij të shqiptimit të ndajfoljes ka kërkuar që protesta e së dielës në Mitrovicë të jetë e dinjitetshme.
“I ftojmë të gjithë qytetarët e Kosovës që të jenë të dinjitetshëm në protestë, ashtu siç ka qenë UÇK-ja e dinjitetshme, pra në mbrojtje të sovranitetit të Republikës së Kosovës”, ka thirrur ai. 
Nga ana tjetër, kryetari i Organizatës së Veteranëve të Luftës  së UÇK-së, Xhemajli, ka thënë se mbajtja e zgjedhjeve të një shteti në territorin e shtetit tjetër jo vetëm që është në kundërshtim me normat e akteve ndërkombëtare, por thjesht është përzierje në punët e një shteti tjetër, gjë që dënohet edhe nga vetë Karta e OKB-së.
“Parullat se ‘nuk i njohim këto zgjedhje apo se ato janë jolegjitime’ lirisht mund të quhen refren tepër bajat”, ka thënë ai. “Ajo që po shihet sheshazi është sjellja e gjendjes së njëjtë si në Palestinë, Bosnjë dhe Qipro dhe mbajtja e derës hapur për jetë për faktorin ndërkombëtar. Ne këto synime kaherë i kemi hetuar dhe me kohë ua kemi tërhequr vërejtjen të gjithë faktorëve relevantë, por, siç po shihet, pa rezultate të duhura”. 
Në krah të Jasharit dhe Xhemajlit në konferencë është paraqitur edhe përfaqësuesi i Shoqatës së Invalidëve të Luftës së UÇK-së, Fadil Shurdhaj, por i cili nuk ka folur asgjë.

Zyra, ku përfaqësuesit e organizatave të dala nga lufta e UÇK-së e kanë mbajtur të premten konferencën, përmes së cilës kanë njoftuar për organizimin e protestës me moton “Të mbrohet sovraniteti i Kosovës”, ka qenë e pajisur me flamurin kombëtar shqiptar dhe me atë të UÇK-së, por jo edhe me një të Kosovës. Por kryetari i Organizatës së Veteranëve të Luftës  së UÇK-së, Muharrem Xhemajli, ka thënë se Këshilli organizativ ka vendosur dhe ka marrë qëndrim që në protestë të jenë flamuri kombëtar shqiptar dhe flamuri i UÇK-së, por protestuesit mund të bartin edhe flamuj të shtetit të Kosovës.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close