Publikuar me datën: Wed, Jun 2nd, 2010

Gjykatat në veri – brenda javësh me vendorë?

Prishtinë, 2 qershor – Përfaqësues të misionit EULEX shfaqin shpresë se brenda javëve të ardhshme të gjendet një zgjidhje për kthimin e gjykatësve e prokurorëve vendas në institucionet gjyqësore në veri të Kosovës. Përfaqësues të Këshillit Gjyqësor të Kosovës thonë se janë në pritje të vendimit, që, sipas tyre, do të merret në nivelin politik.
Misioni i Bashkimit Evropian për sundimin e ligjit në Kosovë dhe Këshilli Gjyqësor i Kosovës pajtohen rreth nevojës, siç thuhet, urgjente për t’i kthyer punonjësit vendorë në gjykatat në veri të Kosovës, nga objektet e të cilave ishin dëbuar gjykatësit e prokurorët kosovarë, për shkak të protestave serbe, si reagim ndaj shpalljes së pavarësisë së Kosovës në vitin 2008, raporton Radio Evropa e Lirë.
Një paqartësi, megjithatë, duket se ekziston në mes të këtyre mekanizmave kur bëhet fjalë për hapat e mëtutjeshëm që duhet bërë për t’i rifunksionalizuar në tërësi këto gjykata.
Kryetari i Këshillit Gjyqësor të Kosovës, Enver Peci, thotë se çështja e kthimit të gjykatësve e prokurorëve vendas në Gjykatën e Qarkut në veri ka kaluar tashmë në nivel të dialogut Prishtinë-EULEX-Beograd, duke e lënë në pritje Këshillin Gjyqësor të Kosovës.
“Po, unë po pres pasi që tashmë çështja ka kaluar në nivel pak më sensitiv, pak më të lartë – ka kaluar në çështje politike. Mirëpo, besoj se ata janë të vetëdijshëm se për ne, si Këshill Gjyqësor, është i papranueshëm propozimi që të inkuadrohen gjyqtarët e përmendur më herët”, thekson Enver Peci.
Në fillim të muajit maj, para presidentit të Kosovës e dhanë betimin nëntë gjyqtarë të Gjykatës së Qarkut në Mitrovicë, prej të cilëve një i nacionalitetit serb dhe katër prokurorë të Prokurorisë së Qarkut në Mitrovicë.
Vendi i punës së tyre mbetet objekti në qytetin e Vushtrrisë, në të cilin aktualisht vepron stafi i gjykatave të veriut.
Përfaqësues të misionit EULEX janë optimistë se në javët e ardhshme të mund të gjendet një zgjidhje për rikthimin e gjykatësve shqiptarë e serbë në veri të vendit.
Zëdhënësja e komponentës së drejtësisë në EULEX, Kristina Herodes, thotë se diskutimet me palët e përfshira në këtë çështje janë duke vazhduar.
“EULEX-i po punon intensivisht për të përgatitur infrastrukturën e nevojshme, në mënyrë që të ecet përpara në javët e ardhshme. Shpresojmë që zgjidhja në këtë problem të mund të gjendet brenda kësaj periudhe”, bën të ditur Kristina Herodes.
Pas bllokimit të gjykatave në veri të Kosovës, puna në Gjykatën e Qarkut atje kishte nisur me seancën e parë të udhëhequr nga gjykatësit e EULEX-it në muajin mars të vitit të kaluar.
Që atëherë, misionarët evropianë të angazhuar në këto institucione, thuhet se kanë mbajtur më se 10 seanca gjyqësore. Herodes shpjegon: “Në Gjykatën e Qarkut në Mitrovicë janë mbajtur më shumë se 10 seanca gjyqësore dhe natyrisht se ka pasur më shumë seanca për konfirmimin e aktakuzave dhe janë zhvilluar gjithashtu aktivitete të tjera gjyqësore atje”.
Në listat e propozuara të emrave, të cilët do të mund të ktheheshin në gjykatat në veri, deri më tani kanë figuruar edhe gjykatës e prokurorë të emëruar kohë më parë nga shteti serb.
Beogradi zyrtar ka këmbëngulur në mundësinë e angazhimit të tyre në institucionet gjyqësore në veri, ndërsa Këshilli Gjyqësor i Kosovës ka kundërshtuar ashpër jetësimin e ideve të tilla.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close