Nga;Lek Mrijaj

Çdo gjë për shtetin, asgjë jashtë shtetit, asgjë kundër shtetit demokratik shqiptar! As në Shqipëri e as në Kosovë… nuk ka alternativë tjetër liria, pavarësia dhe demokracia dhe Bashkimi !

Nënë Shqipëri, nuk do të ketë forcë që të shtrojë përdhe ty!

Apeloj tek politikanët antikombetar mafiozë dhe matrapazë, mos i dërgoni njerëzit e pafajshëm në varr dhe në burg, për përfitime dhe interesa të juaja politike, ekonomike, tregtare, karrieriste, partiake dhe ideologjike, se do t’iu dënojë historia, populli dhe drejtësia heret apo vonë !

Nuk është koha e e puçeve të ndryshme për të rrëzuar dhe djegur shtetin, si dhe për të vrarë njëri-tjetrin (vëllau -vëllaun ) për pushtet me çdo kusht, dhe për t’u pasuruar sa më shumë në kurriz të popullit, por është momenti historik, që na thërret për ta bashkuar gjithë kombin shqiptar dhe Shqipërinë Etnike brenda kufijve të vet natyralë. Kjo është tema jonë kryesore dhe jetësore, jo vëllavrasja.

Ata huliganë që, abuzuan dhe pretendojne te abuzojnë edhe me flamurin kombëtar shqiptar, me qëllim që të bëjnë grusht shtet, duhet të nxirren përpara ligjit dhe drejtësisë, sepse flamuri kombëtar shqiptar, kurrënjëherë në historinë e tij, të deritashme nuk ka valuar në vrasjen e shqiptarëve dhe të shtetit shqiptar, por vetëm në beteja dhe luftëra çlirimtare kombëtare, dhe për pavarësinë e kombit shqiptar dhe të Shqipërisë Etnike.