Në lojën diplomatike rreth datës për Serbinë papritmas është përfshirë edhe Uashingtoni. Sipas gazetës së Beogradit “Novosti”, në Departamentin amerikan të Shtetit fatin e integrimeve evropiane të Serbisë mund ta vendosë rezultati i betejës mes dy rrymave në administratën amerikane. Sipas burimeve të gazetës në fjalë, rryma e fortë angazhohet që data të përdoret si “karrotë” që Beogradi të detyrohet për më shumë koncesione në implementimin e Marrëveshjes së Brukselit, ndërsa rryma më e butë beson se presionet e mëtejshme do të ishin kundërproduktive. Ky grup angazhohet që Beogradi të marrë “dritën jeshile” për datën, ndërsa Prishtina të marrë angazhmanin special kontraktual nga BE-ja, sepse gjoja ndarja e MSS ende nuk është e mundshme, sepse pesë vende nuk e njohin pavarësinë e Kosovës.

Aktualisht po shqyrtohet opsioni I shatëll-diplomacisë së Uashingtonit në kryeqendrat kryesore evropiane, e posaçërisht në Berlin, i cili edhe më tutje ka qëndrimin më të fortë sa i përket çështjes së integrimit të Serbisë.

Sipas gazetës, ekziston ideja që zëvendësi i ndihmëssekretarit amerikan të Shtetit Philip Reeker të marrë rolin ndërmjetësues, i cili në ditët në vijim do të tentojë të bindë Gjermaninë të lejojë “dritën jeshile” gjë që do të ishte sinjal edhe për shtetet e tjera të BE-së të cilat ende hamenden rreth datës.

Nënkryetarja e Qeverisë serbe e ngarkuar për integrime evropiane Suzana Grubjesheviq ka qëndruar këto ditë në Gjermani dhe është kaur me zyrtarë të lartë të këtij vendi.

“Qëndrimi gjerman për dhënien e datës varet nga zbatimi i Marrëveshjes së Brukselit”, k thënë ajo.

“Washingtoni është i vetëdijshëm se disponimi në BE për zgjerimin e mëtejmë është gjithnjë e më i vogël, por është në interesin e tyre që të përshpejtojnë  integrimet evropiane të Prishtinës me qëllim të rrumbullakimit të pavarësisë së Kosovës dhe shtimit të vendeve që e njohin. Se a do të jetë në pakon e integrimeve të përshpejtuara edhe Serbia apo asaj do t’i lëshohet rampa, do të shihet pas disa javësh”, thotë analisti  serb në Washington Obrad Kesiq.