i dhe mundësitë që procesi si i tillë të mos japë efektin apo rezultatin e pritur, mendojmë se angazhimi i kapitalit të brendshëm në këtë proces është i nevojshëm, tha në një konferencë për shtyp Seremb Gjergji, siç e quan ai veten kandidat i pavarur për president të vendit.

Sipas tij, PTK-në mund dhe duhet ta blejnë Fondi për Privatizim dhe Fondi Pensional i Kosovës, pasi këto dyja aktualisht kanë fonde që tejkalojnë 1 miliard euro.

Si mendon se struktura e investimit dhe pjesëmarrësve për blerjen e PTK-së nga ana e institucioneve vendore do të duhej të vendosej nga Kuvendi i Kosovës. “Përmes këtij hapi, institucionet e Kosovës do të sigurojnë edhe për një kohë të gjatë asetin më të rëndësishëm dhe asetin e sigurisë kombëtare, PTK-në”, tha ai.

Në këtë mënyrë, shtoi ai, do të ruhej substanca e kapitalit vendor dhe asetet substanciale të mos ikin nga pronësia publike, ndërsa të hyrat të vazhdojnë të derdhen brenda Kosovës. Pra, fitimi nuk del jashtë vendit, por ri-investohet në Kosovë si dhe kjo kompani e nivelit të sigurisë kombëtare mbetet nën menaxhimin e institucioneve vendore.

“Përmes këtij modeli, PTK-ja mbetet nën menaxhimin e institucionit më të lartë të vendit – Kuvendit të Kosovës, por edhe ruan kapacitet e veta zhvillimore për një të ardhme më të ndritur për kompaninë, si dhe ndërrohet politika e menaxhimit. Zhvillimi ekonomik ndihmohet nga jashtë, por ai kryesisht zhvillohet dhe vjen nga brenda”.