Publikuar me datën: Sat, May 29th, 2010

Opinioni i GJND-së pritet më 22 korrik

Prishtinë, 29 maj – Gjykata Ndërkombëtarë e Drejtësisë do të nxjerrë opinionin e vet në lidhje me ligjshmërinë e shpalljes së pavarësisë së Kosovës më 22 korrik. Kështu kanë thënë burime të ndryshme të gazetës “Koha Ditore”, duke konfirmuar raportet se muaji i shtatë i vitit do të jetë koha kur GJND-ja do ta përmbyllë rastin rreth Kosovës, që e ka marrë vitin e kaluar.
Vendimi i GJND-së do të jetë gati më 22 korrik, kanë thënë dy burime të ndryshme ndërkombëtare.
Opinioni këshillues që GJND-ja pritet ta nxjerrë do të jetë përgjigje pyetjes nëse Deklarata e Pavarësisë së Kosovës, e shpallur më 17 shkurt 2008, ka qenë shkelje e së drejtës ndërkombëtare. Ka qenë Asambleja e Përgjithshme e OKB-së ajo që, me iniciativën e Serbisë, ka kërkuar nga GJND-ja të shqyrtojë rastin. Procesi ka nisur muajt e fundit të vitit të kaluar, me deponimin e dëshmive dhe me paraqitjen para Gjykatës të palëve të interesuara, përfshirë Kosovën dhe Serbinë, por edhe një numër shtetesh që përkrahin pavarësinë e Kosovë, dhe ato që kundërshtojnë.
Ekspertë juridikë, por edhe diplomatë të ndryshëm, kanë paralajmëruar qëmoti se opinioni i GJND-së nuk ka shumë gjasa të jetë prerazi në favor të njërës palë. Madje, shumica janë shprehur se presin një vendim të balancuar, pa gjykim të prerë pro apo kundër pavarësisë.
Kohët e fundit, vendimi i Gjykatës që është me seli në Hagë ka fituar në peshë meqë është paralajmëruar se pas tij do të shtohen presionet për të nisur një proces dialogu mes Kosovës dhe Serbisë.
Po ashtu, Prishtina zyrtare ka shprehur pritjet e saj se vendimi i GJND-së do të zhbllokojë njohjet ndërkombëtare të Kosovës, meqë, sipas zyrtarëve kosovarë, shumë shtete ende nuk e kanë njohur Kosovën në pritje të opinionit të kësaj gjykate.
Në anën tjetër, fuqitë më të mëdha perëndimore që e kanë njohur Kosovën, përfshirë Shtetet e Bashkuara të Amerikës, Britaninë e Madhe, Francën dhe Gjermaninë, vazhdimisht kanë theksuar se opinioni i GJND-së nuk është obligues dhe se ai nuk do të mund të ndryshojë vendimin e këtyre shteteve për ta njohur Kosovën. Këto shtete, madje, një pozicion të tillë e kanë bërë të qartë edhe me deklaratat e tyre para GJND-së, në favor të Kosovës.
Ndërsa, vetë Serbia, e cila edhe e ka nisur këtë iniciativë, ka pritje që opinioni të jetë në favor të saj dhe shpreson se një gjë e tillë do të mund të kthejë procesin e pavarësimit të Kosovës. Madje, Beogradi tashmë është raportuar se ka një plan që çështjen e Kosovës ta kthejë edhe një herë në Asamblenë e Përgjithshme të OKB-së dhe të kërkojë një proces të ri negociatash rreth statusit të Kosovës.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close