Publikuar me datën: Mon, Oct 15th, 2012

Kurti kërkon fundin e Thaçit

Lideri i lëvizjes “Vetëvendosje”, Albin Kurti, në mbledhjen e gjashtë të Këshillit të Përgjithshëm të kësaj lëvizjeje, të dielën ka potencuar se “Vetëvendosja” e ka ndarë mendjen dhe e ka të qartë qysh moti që Qeveria aktuale duhet të rrëzohet në mënyrë që Kosova të përparojë.

Kurti ka thënë se lëvizja që ai drejton është duke e riaktualizuar nismën për rrëzimin, siç e ka quajtur ai, të “regjimit” dhe se deputetët e opozitës, por edhe të pozitës, e dinë, sipas tij, që kjo Qeveri po i kushton shumë shtrenjtë Kosovës politikisht, ekonomikisht e moralisht. “Një ditë më shumë me këtë Qeveri është një ditë më pak për Kosovën…Secili deputet që e dëgjon mendjen dhe zemrën e vet nuk është për këtë Qeveri. Këtë zë të brendshëm e privat të deputetëve le ta bëjmë zë publik që ta nxjerrim jashtë këtë Qeveri”, ka thënë Kurti.

Sipas tij, nëse para një viti ekzistonte dëshira për ta rrëzuar Qeverinë, mungonte mundësia për ta bërë këtë, ndërsa sot Kurti ka vlerësuar se ekziston mundësia dhe duhet të dokumentohet vullneti për këtë gjë. “Në votimin e së enjtes që shkoi, deputetët që votuan për pezullimin e këtij privatizimi i kishin plot 589 mijë e 911 vota të qytetarëve, ndërsa deputetët që ishin kundër pezullimit të tij i kishin gjithsej 363 mijë e 693 vota të qytetarëve. Diferenca ndërmjet këtyre numrave është 226 mijë e 218. Kjo diferencë është më e madhe sesa numri i gjithëmbarshëm i votave të PDK-së që ishin 224 mijë 239 vota, me ç’rast e kemi neglizhuar faktin se sa shumë vota të vjedhura janë pikërisht te ky numri i fundit”, ka thënë Kurti.

Lidhur me votimin e së enjtes nga deputetët e Kuvendit të Kosovës, Kurti ka thënë se u dëshmua se 20 ulëset e rezervuara për minoritete e hedhin përtokë “edhe çfarëdo demokracie minimale”. Sipas tij, Plani i Ahtisaarit si një “solucion brutal” kundër demokracisë është vënë në shërbim edhe të privatizimit brutal të Kosovës.

Kurti ka vlerësuar se deputetët që po ndërgjegjësohen duke dalë prej koalicionit qeverisës, i cili Kosovës po i sjell veçse “ditë të zeza të mjerimit” social dhe rrënimit politik, kanë bërë, sipas tij, që numri i deputetëve që e përkrahin këtë Qeveri të jetë më i vogël se 60. “Qëndrimet tona për zgjedhjet e dy presidentëve në shkurt e në prill të vitit të kaluar, njëri me sms-a e tjetra me zarf, u dëshmuan të kenë qenë të drejta. Qëndrimet tona për marrëveshjet partiake jashtë institucioneve për këta dy presidentë po ashtu u dëshmua të kenë qenë të drejta. Pra, qëndrimet tona, si gjithmonë, qëndrojnë, pra janë përnjëmend qëndrime”, ka shtuar ai. Qëllimi i marrëveshjes së tre kryetarëve partiakë në prill të vitit të kaluar ishte sipas Kurtit, emri i presidentes në zarf dhe jo reformat zgjedhore a kushtetuese. Ai ka konsideruar se nuk mund të ketë marrëveshje me ata që e organizuan vjedhjen e votave për reformë zgjedhore. “Votat u vodhën me plan, sepse plaçka është interesi i hajnave, ligji u shkel me paramendim, sepse shkelësit e ligjit u mobilizuan për të vjedhur. Një ligj i ri nuk i eliminon hajnat e vjetër, por i amniston ata. Dhe, aq më pak një ligj i ri në marrëveshje me këta hajna të vjetër. Data e vërtetë e kësaj marrëveshjeje nuk ishte 6 prilli i vitit 2011, por 1 prilli i cilitdo vit”, ka thënë Kurti.

Kosovës, sipas Kurtit, i nevojitet një model tjetër, një program tjetër qeverisës që bazohet në shtetin zhvillimor, i cili është edhe shtet i së drejtës, edhe shtet social.

Me shtetin zhvillimor, Kurti ka potencuar se shteti nuk është më spektator, por bëhet aktor dhe faktor i cili nuk e kontrollon zhvillimin, por merr pjesë në të, nxit orientime të caktuara që janë të leverdishme, koordinon e mbështet iniciativa të ndryshme, si dhe promovon eksportin dhe përpiqet të bëjë zëvendësimin e importeve. Industria do të duhej të ishte e lidhur me bujqësinë, ngase, sipas Kurtit, ekonomia që bazohet vetëm në shërbime e financa nuk mund të jetë e suksesshme për Kosovën.

“Jo shoqëria të jetë në funksion të ekonomisë dhe ekonomia në funksion të tregut, por tregu në funksion të ekonomisë dhe ekonomia në funksion të shoqërisë”, ka thënë ai, duke kritikuar kryeministrin Thaçi si dhe deputetët e ministrat që “nuk po e dinë” se si ta përdorin nocionin “ekonomia e tregut të lirë”. “ Kryeministri e zyrtarë të tjerë të lartë thonë ‘ekonomia e lirë e tregut’ dhe jo ‘ekonomia e tregut të lirë’. Pra, nuk dinë as t’i thonë. Kjo ‘ekonomia e lirë e tregut’ po u kushton shumë shtrenjtë qytetarëve të Kosovës”, ka shtuar Kurti.

Qeverinë aktuale Kurti e sheh të përbërë nga shpifjet dhe gënjeshtrat, ndërkaq njerëzit e “regjimit” i cilëson si të “shpifur”. Megjithatë, ai mohon që lëvizja “Vetëvendosje” i urren qeveritarët personalisht.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close