Publikuar me datën: Sun, Oct 14th, 2012

Historitë e dashurisë së çunave të Kombëtares

Thonë se pas çdo burri të suksesshëm fshihet një grua e mençur… Pas kërkimesh të shumta, revista tiranase Bluetooth zbuloi disa zonjusha e zonja që kanë zgjedhur të ndajnë jetën me futbollistët e kombëtares së Shqipërisë. Një pjesë e vogël “çunave” janë beqarë. Pjesa tjetër janë martuar prej vitesh ose janë të fejuar e presin të krijojnë familje.

Kampion për numrin e femrave që ka pasur në krah e mban sigurisht bukuroshi Lorik Cana. Zyrtarisht ai ka pranuar vetëm dy lidhje: atë me Zana Krasniqin dhe, këtë të fundit me një vajzë misterioze italiane. Por, Loriku mbetet padyshim një “Don Zhuan” i Kombëtares. Pamja fizike e djaloshit nga Gjakova, fama, por edhe paratë, e bëjnë atë një personazh shumë të preferuar të femrave.

Loriku ka pasur histori të shumta, një pjesë e të cilave të bëra publike edhe pse ai vetë ka bërë komente. Në fillimet e karrierës së tij, në Francë, ai bëri një vizitë në Shqipëri, në plazhin e Dhërmiut, me një modele braziliane, duke u fotografuar në bregdetin jonian bashkë me të. Në Francë Loriku është përfolur gjatë për një lidhje edhe me Clara Morgane, një pornostare e njohur franceze. Por, vetë futbollisti nuk ka pranuar kurrë të kishte një histori me të. Më pas, dashuria mes tij e Zana Krasniqit, modeles së njohur kosovare, zuri për një kohë të gjatë faqet e para të shtypit rozë, derisa të dy bënë të ditur ndarjen. Më pas, një vizitë në Shqipëri në shoqërinë e një modele franceze, sërish në plazhin e Dhërmiut. Në Angli, ishte “Bluetooth” që zbuloi foton e të dashurës së tij, një bionde me të cilën Loriku pati dalë në foto gjatë një mbrëmjeje mes miqsh. Ndërkohë, me vajtjen në Turqi te skuadra e Gallatasarajit, u përfol shumë lidhja e tij me Adelina Tahirin, këngëtaren e njohur kosovare, por që mbeti thjesht në aspektin e “fjalëve”. Më pas vjen “aventura” aktuale, ajo me një vajzë italiane, gjë që Cana e ka pranuar vetë, por që ende nuk e ka shfaqur. Gjatë pushimeve të këtij viti në Shqipëri, ai ka qenë në shoqërinë e saj në plazhet e jugut.

Dashuria e jetës së Erjon Bogdanit mban emrin Rosela. Ajo është e bukur, modele dhe juriste italiane. Ata e kurorëzuan lidhjen e tyre me një dasmë madhështore dhe vazhdojnë të jetojnë të lumtur. Të njëjtën rrjedhë ka pasur dhe jeta e një prej mesfushorëve më të mirë të kombëtares, Klodian Duro, sot futbollist i “Tiranës”. Në jetën e tij sot ka dy femra të rëndësishme. Bashkëshortja e tij quhet Dorina dhe vajza e tyre e vogël, e cila mban emrin Deana.

Është e sigurt që Kristi Vangjeli ka një femër përkrah, por identitetin e saj nuk arritëm ta zbulonim dot. Në një intervistë të dhënë para disa kohësh ai ka treguar për të dashurën e tij duke thënë: “Më në fund e kam gjetur atë që më mungonte dhe tashmë më plotëson”. Në këtë foto futbollisti Vangjeli shfaqet përkrah një femre, por nuk e dimë nëse është pikërisht “ajo që e plotëson”.

Duket se emri Rosela i tërheq futbollistët shqiptarë. Rosela quhet edhe e dashura e Hamdi Salihit. Ajo është një farmaciste që jeton në New York.

Biondja bukuroshe, që shihet në foto, quhet Risola dhe thuhet se ajo prej pak kohësh është e fejuara e futbollistit Gilman Lika. Një tjetër futbollist që është fejuar rishtazi është Andi Lila. Ornela është emri i vajzës që i ka marrë zemrën futbollistit të talentuar të Kombëtares, me të cilën ai jeton prej kohësh një histori të bukur dashurie. Sakaq, një tjetër çift, i celebruar me martesë është edhe Tefik e Irsa Osmani. Të dy bashkë kanë vendosur që pas akumulimit të disa fazave të rëndësishme ta kurorëzojnë lidhjen e tyre me martesë.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close