Publikuar me datën: Thu, May 27th, 2010

Hiqen vizat për Shqipërinë e Bosnjën, rendin e ka Kosova

Bruksel, 27 maj  – Komisionerja për Çështjet e Drejtësisë në Parlamentin Evropian, Cecilia Malstrom, ka publikuar sot vendimin e kolegjit të komisioneve për liberalizimin e vizave për Shqipërinë dhe Bosnjën, njoftojnë agjencitë nga Brukseli.
“Ky propozim patjetër sjell lajme të mira për Shqipërinë dhe Bosnjën dhe natyrisht është pjesë shumë e rëndësishme e politikës së Bashkimit Evropian për të lehtësuar kontaktet mes njerëzve. Është gjithashtu një mundësi komunikimi midis vendeve.”, theksoi ajo gjatë konferencës për shtyp. 

Ajo shtoi se “se të dyja vendet kanë bërë përmirësime në shumë drejtime, në luftën kundër krimit dhe korrupsionit dhe natyrisht KE-ja ka monitoruar me kujdes të gjitha përpjekjet”. Malstrom tha gjithashtu se të dyja vendet duhet të luftojnë krimin e organizuar.

“Edhe Bosnja duhet të luftojë krimin e organizuar dhe është e njëjta gjë edhe për Shqipërinë. Natyrisht komisioni evropian do të vazhdojë të monitorojë plotësimin e këtyre tre kushteve”, u shpreh Malstrom.

E pyetur për Kosovën, ajo tha se ka një plan për këtë vend. “Ka një plan për të lehtësuar vizat edhe për Kosovën, por plani është ende në përgatitje e sipër”, u shpreh ajo.

I pyetur për një datë se kur vizat do të liberalizohen, Malstrom tha se gjatë verës do të ketë një grup monitorues, i cili gjatë vjeshtës do të japë vlerësimet. “Unë nuk mund të jap një datë të saktë për liberalizimin e vizave”, u shpreh më tej.

Edhe shefi i Zyrës Ndërlidhëse të KE-së në Kosovë, Renzo Daviddi deklaroi se kjo shpallje është shenjë e qartë se i tërë rajoni po ecën drejt Evropës.

“Po ashtu është një shenjë pozitive për Kosovën, duke treguar se shpërblimet jepen në bazë të përpjekjeve të vërteta. Liberalizimi i vizave është një proces i cili merr kohë, por rasti i Shqipërisë dhe Bosnjë Hercegovinës tregojnë se edhe Kosova mund të bëjë progres sapo t’i plotësoj kushtet e nevojshme”, tha ai.

Sipas një njoftimi të Zyrës për informim të KE-së në Prishtinë, komisionerët Fuele dhe Malmstrom kanë rikonfirmuar kohëve të fundit se Komisioni Evropian është i përkushtuar të fillojë dialogun për viza me Kosovën sa më shpejt që të jetë e mundur me kusht që të zbatohen reformat relevante.

Sipas këtij njoftimi, para se të mund të fillojë dialogu për vizat dhe të mund të hartohet një strategji për viza, Kosova duhet ta miratojë legjislacionin e saj për ri-pranim të shtetasve, të konsolidojë kapacitetin e saj administrativ për të shqyrtuar kërkesa për ri-pranim dhe të zbatojë një strategji efikase të ri-integrimit.

Në njoftim thuhet se Komisioni tashmë ka dërguar dy misione ekspertësh për ta vlerësuar situatën, një mision i tretë do të nisë punën së shpejti, ndërkaq rezultatet e këtyre misioneve do të përcaktojë nisjen e dialogut për vizat.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close