Publikuar me datën: Wed, Apr 25th, 2012

EULEX-i e pranon se ka vështirësi në veri

Misioni i BE-së për sundimin e ligjit në Kosovë, EULEX, po hyn në mandatin e tretë me radhë që i zgjat dy vjet, pa e zgjidhur një problem që ka qenë dashur ta adresojë në fillimet e veta – ushtrimi i autoritetit në gjithë territorin e Kosovës.

Pas katër vjetësh funksionimi, misioni ka bërë shumë hetime, ka nisur procedura gjyqësore, por jo në gjithë territorin e Kosovës. Veriu i Kosovës ka mbetur zonë e ndaluar për EULEX-in.

Pamundësia e këtij misioni për të vepruar në pjesën më problematike të Kosovës, kanë shqetësuar vazhdimisht KFOR-in e NATO-n, deri në atë masë sa vetë sekretari i përgjithshëm i Aleancës Veriatlantike, u ankua edhe publikisht në pamundësinë e EULEX-it që të kryejë punën e vet.

Zyrtarët e misionit të EULEX-it nuk duan që të komentojnë deklaratat e sekretarit të përgjithshëm të NATO-s, Anders Foght Rasmussen, por e pranojnë se në veri kanë vështirësi të zbatimit të mandatit.

“EULEX-i po përballet me rrethana të vështira në veri dhe po e përdor çdo mundësi për të zbatuar mandatin”, ka thënë zëdhënësja e këtij misioni Francoicse Lambert.

Por, dalja publike e sekretarit të NATO-s është vetëm kulmi i ankesave të vazhdueshme që KFOR-i, e edhe përfaqësuesit tjerë ndërkombëtarë kanë pasur për misionin. Të tilla ka pasur edhe Qeveria e Kosovës, e cila njëjtë si EULEX-i nuk funksionon në veri të Kosovës.

Misioni pritet që nga qershori të fillojë zbatimin e mandatit që do t`i zgjatet deri më 2014. BE-ja ka miratuar një rishikim strategjik të misionit, në bazë të një analize të bërë nga një grup ekspertësh, e cila po diskutohet nga vendet anëtare.

Xavier Bout de Marnhac e as Andy Sparkes nuk do të jenë më udhëheqës të këtij misioni.

Manrhac do të mbahet mend si udhëheqës i misionit në kohët kur EULEX-i është marrë me rastet më të rënda, por që ka dështuar të ballafaqohet me rastet e profilit të lartë për korrupsion dhe krim të organizuar. Dështimi i rastit “Kleçka” që nga vetë misioni qe trajtuar si rasti më i madh i krimeve të luftës, i ka dhënë goditje të rëndë misionit, pak para ndryshimit që ka nisur të planifikohej shtatorin e vitit të kaluar.

Rekomandimi që Marnhacut t`i përfundojë misioni menjëherë pas ndryshimeve ka ardhur si rezultat i shumë “reagimeve të pavend” që i ka pasur misioni.

Sidoqoftë, ikja e gjeneralit francez nuk do të ketë reflektime në hierarkinë e misionit, kanë bërë të ditur burimet. Misionit do t`i caktohet një shef tjetër, që do të ketë të njëjtat kompetenca.

Duke i komentuar reagimet e shefit të tij, Anders Foght Rasmussen, komandanti i KFOR-it ka thënë se do të donte që EULEX-i të kishte më shumë mundësi.

“Me sa kam kuptuar unë, Rasmussen nuk është ankuar për mungesën e koordinimit. Ai është ankuar më shumë për kapacitetet e EULEX-it dhe unë këtu duhet ta pranoj se sa më të fuqishëm e kam një partner aq më shumë jam i gëzueshëm. Dua të them se ne kemi bashkëpunim të mirë me EULEX-in dhe s’kemi asnjë ankesë”, ka thënë Drews.

Shefi i NATO-s, Anders Foght Rasmussen, ka deklaruar të hënën se është i shqetësuar për faktin se misioni i Bashkimit Evropian në Kosovë, EULEX, nuk ka burime të mjaftueshme, dhe për pasojë shpeshherë i është dashur Aleancës Ushtarake të marrë barrën që nuk i takon.

“Të jem i sinqertë, jam shumë i shqetësuar, për faktin se misioni i Bashkimit Evropian, EULEX-i, nuk ka burime të mjaftueshme, që në praktikë ka implikime të fuqishme për NATO-n, sepse pastaj po ndikohen operacionet e KFOR-it”, ka thënë Rasmussen para ligjvënësve të BE-së, njofton DPA.

Që nga vendosja e tij më 2008, misioni i BE-së është vlerësuar për arritje në mbikëqyrjen, monitorimin dhe mentorimin e institucioneve të Kosovës, por është vlerësuar si mision i dështuar në luftimin e krimit të organizuar dhe korrupsionit për shkak të dështimit në rastet e profilit të lartë. Misioni për sundimin e ligjit ka kompetenca ekzekutive, të cilat i janë dhënë me qëllim që të luftojë rastet e rënda të krimit, të cilat nuk mund të përfundohen nga institucionet e Kosovës.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close