Publikuar me datën: Sat, May 29th, 2010

Drejtori i Gjyqësorit akuzohet për shkelje ligji

Prishtinë, 29 maj – Këshilli Gjyqësor i Kosovës e ka suspenduar të premten nga detyra drejtorin e Sekretariatit të këtij këshilli, Halit Muharremi, për shkak të shkeljeve të vazhdueshme. Vendimin për suspendim KGJK-ja e ka marrë në prani të Muharremit, i cili, duke parë vendosmërinë e anëtarëve, ka ofruar dorëheqje të parevokueshme.
Suspendimin e tij e ka konfirmuar kryesuesi i KGJK-së, Enver Peci.  
“Sot e kam nxjerrë në rend të ditës çështjen e funksionimit të Sekretariatit të Këshillit Gjyqësor, me theks për Halit Muharremin, për disa shkelje që konsideroj se kanë ekzistuar”, ka thënë Peci nëpërmjet telefonit. Peci ka bërë të ditur se pas debatit Këshilli Gjyqësor ka vendosur ta suspendojë nga detyra Muharremin.
“Në mbledhje ka qenë edhe Halit Muharremi. Tha se ‘në qoftë se këshilli vendos të më suspendojë, atëherë unë po jap dorëheqje’, d.m.th. pas vendimit për suspendim ai ka dhënë dorëheqjen, të cilën ia kemi aprovuar”, ka shtuar kryesuesi i KGJK-së, Enver Peci.
Burime brenda KGJK-së kanë bërë të ditur se Halit Muharremi nuk e ka përfillur Këshillin Gjyqësor dhe nuk ka bashkëpunuar ashtu siç obligohet me ligj.
“Mosbashkëpunimi me Këshillin Gjyqësor, fshehja e letrave dhe mosnjoftimi i Këshillit me disa vendime që ka ndërmarrë janë disa nga shkeljet që ka bërë Muharremi”, ka thënë burimi.
Sipas këtij burimi, Halit Muharremi ka bërë avancime të paligjshme të zyrtarëve në sekretariat nga pozita zyrtarësh në pozita drejtorësh, duke ua rritur kështu koeficientin dhe rrjedhimisht edhe pagat.
“Këso lloj avancimesh ka bërë në Departamentin e Financave, atë të Logjistikës, të Zyrës Ligjore, e departamente të tjera”, ka thënë burimi i Kohës Ditore. “Në Këshill është vlerësuar se Muharremi ka bërë shumë shkelje dhe për këtë është vendosur të suspendohet”, ka thënë burimi i gazetës. Gazeta ka provuar të premten disa herë të kontaktojë me Halit Muharremin, por ai nuk e ka hapur telefonin.
Ish-ministri i Drejtësisë në qeverinë e Bujar Bukoshit për një dekadë Sekretariatin e Këshillit Gjyqësor të Kosovës e ka udhëhequr që nga viti 2006. Në këtë detyrë të pavarur nga politika si menaxher i gjykatave dhe prokurorive të Kosovës ai kishte ardhur nga pozita e këshilltarit të ish-presidentit Ibrahim Rugova. 
Detyra e Sekretarit të Këshillit Gjyqësor të Kosovës është që të këshillojë dhe ndihmojë Këshillin Gjyqësor të Kosovës në kryerjen e detyrave e përgjegjësive të tij, në menaxhimin e gjyqësorit dhe të gjykatave dhe është përgjegjës për zbatimin e vendimeve të tij, si dhe është përgjegjës për të gjitha funksionet administrative dhe të hulumtimit që ndërlidhen me përkrahjen e Këshillit, në pajtim me Rregulloren e punës së Këshillit.
Sekretariati i Këshillit Gjyqësor të Kosovës përbëhet nga nëpunësit civilë, të cilët përbëjnë administratën qendrore të sistemit gjyqësor të Kosovës. Në krye të SKGJK-së është drejtori, i cili është zyrtari më i lartë administrativ në sistemin gjyqësor të Kosovës.
Emri i Halit Muharremit ka qenë në një listë të publikuar në muajin prill për të cilën ishte thënë se është e Agjencisë Kosovare Kundër Korrupsionit. Sipas kësaj liste Muharremi dyshohet për veprime korruptuese gjatë vitit 2006, me rastin e emërimit të gjyqtarëve.
Këtë e pati mohuar sekretari i Këshillit Gjyqësor, duke reaguar nëpërmjet një deklarate. Sipas SKGJK-së “të gjitha ato thashetheme të botuara nëpër media janë shpifje që kërkojnë rishikimin e ndërhyrjes së Agjencisë Kundër korrupsionit në menaxhimin e brendshëm të institucioneve të drejtësisë me pretekst të luftimit të korrupsionit”. Muharremi pati paralajmëruar edhe një padi kundër AKK-së.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close