Publikuar me datën: Wed, Mar 9th, 2011

Dialogu: Të gjithë të kënaqur me fillimin

Bruksel, 9 mars  – Rundi i parë i dialogut përfundoi me përparim në zgjidhjen e disa problemeve, mirëpo tash për tash nuk ka përparime në çështjet që prekin sovranitetin, siç është çështja e vulave në dogana, për të cilën pala kosovare ka theksuar se është shumë e rëndësishme.
Edita Tahiri ka sqaruar se vulat doganore janë të rëndësishme për Prishtinën, sepse “me zgjidhjen e këtij problemi do të zgjidhej edhe eksporti dhe transiti nëpër Serbi.
“Serbia tash për tash e pamundëson transitin, ndonëse Kosova e lejon importin e mallrave nga Serbia”, theksoi Tahiri.
Si zëvendëskryeministrja Tahiri, ashtu edhe bashkëbiseduesi i saj nga pala serbe, Borisllav Stefanoviq iu deklaruan gazetarëve se janë të kënaqur që është nisur dialogu.
Bashkimi Evropian ka vlerësuar se takimi i parë i ekipeve negociuese të Beogradit dhe Prishtinës ka kaluar në një “atmosferë konstruktive e të përzemërt” dhe se të dy palët kanë treguar gatishmëri për dialog.
“Takimi është mbajtur në atmosferë konstruktive e të përzemërt dhe ishte informativ e produktiv. Të dy palët kanë përsëritur përkushtimin për dialog dhe gatishmërinë për të vazhduar procesin. Ndërmjetësi ynë ka theksuar dy qëllime të dialogut – të hiqen pengesat që kanë pasur ndikim negativ në jetën e përditshme të nejçëve, të përmirësohet bashkëpunimi dhe të realizohet përparim në rrugën drejt BE-së”, thuhet në komunikatën e Unionit Evropian që u dha sonte.
BE-ja ka vlerësuar se takimi i parë i dy delegacioneve “ka ofruar mundësi që të bisedohet për qasshmërinë e informatave nga librat amë dhe kadastrat, çështje këto që direkt kanë të bëjnë me jetën e përditshme të njerëzve” dhe ka shtuar se “të dy palët janë pajtuar që këto informata duhet të jenë të qasshme, në mënyrë që të sigurohet  siguria juridike e qytetarëve”.
Si thuhet më tutje në njoftim, dy palët kanë biseduar edhe për tregtinë rajonale, lirinë e lëvizjes së mallrave, gjë që është me rëndësi të posaçme për zhvillimin ekonomik të tregjeve të vogla individuale të cilat përbëjnë Evropën Juglindore”.
“Marrëveshja CEFTA, që paraqet bazë për vendosjen e tregut të hapur rajonal, është marrëveshje kyç për zhvillimin ekonomik të rajonit. Dy palët e kanë vlerësuar pozitive pjesëmarrjen e tyre në CEFTA dhe kanë konfirmuar se do të marrin pjesë edhe gjatë kryesimit kosovar të kësaj marrëveshje rajonale gjatë vitit 2011”.
Gjatë takimit është biseduar edhe për telekomunikimet dhe trafikun ajror, që janë dy fusha për të cilat hapet mundësia e ofrimit më të mirë të shërbimeve për shfrytëzuesit e tyre, për efikasitte më të mirë ekonomik dhe më të përshtatshme në aspektin ekologjik.
“Është arritur marrëveshja që së shpejti të mbahet edhe takimi i dytë”, thuhet në fund të komunikatës.
Sipas parashikimeve, takimet e ardhshme ndërmjet dy palëve do të mbahen nga disa herë në muaj, në varësi nga përparimi i shënuar.
Teknikisht, zëvendëskryeministrja Edita Tahiri shpjegoi se u bisedua mbi regjistrin civil e kadastrën, çfarë propozoi në takim Beogradi në mbrojtje të interesave të komunitetit serb në Kosovë.
“Ne presim shumë që të zgjidhim problemet e mëdha që qendrojnë midis nesh, në të gjitha ato çështje që mbeten të hapura. Kjo do të thotë se po përpiqemi të trajtojmë tema të cilat ushtrojnë një presion ndaj njerëzve në Kosovë dhe po flasim sidomos për komunitetin serb. Ne do të përpiqemi që të lëmë pas dallimet tona të mëdha mbi statusin e Kosovës. Por, sigurisht që rregullimi i marrëdhënieve tona me Prishtinën do të rezultojë në përfundim të këtij dialogu”, ka deklaruar Stefanoviq.
Ndërsa Edita Tahiri është shprehur: “Të dyja palët përpiqen të jenë konstruktive dhe kanë sukses për këtë. Mendoj se ne po mundohemi të jemi krijues për çështjet në diskutim. Kemi nisur me tema të tilla si regjistri civil dhe kadastra dhe do bisedojmë mbi lëvizjen e lirë dhe mekanizmat e bashkëpunimit rajonal”.
“Ishte hera e parë pas shumë, shumë viteve që ne patëm shansin të negocionim ballë për ballë. E më duhet të them se kishte propozime shumë të mira e konstruktive, vecanërisht nga ana jonë, pasi ne erdhëm të mirëpërgatitur për këtë dialog dhe sigurisht presim palën tjetër që të përgjigjet mbi këto propozime”, ka shtuar Stefanoviq.
“Përsa i takon palës sonë, ne duam vërtet të jemi konstruktivë dhe t’i kontribuojmë përparimit për të zgjidhur dallimet tona në çështjet praktike. Ky është një dialog teknik e do të qendrojë i tillë”, ka vijuar ndër të tjera Tahiri.
Takimi i radhës për dialogun Prishtinë- Beograd pritet të mbahet në selinë e Këshillit të BE-së gjatë javës së fundit të muajit mars.

Ndihmo Radio zeri mitrovices


Kontribuesit qe ndihmuan

Radio zeri Mitrovices ne menyr vullnetare

=========================

Muaji: Korik-2011

=========================

Gzim Koadralia 50 euro

_________________________

Hashim Kryeziu 35 euro

_________________________

Naser Xani 25

_________________________

Sami Zeneli 10 euro

=========================

Muaji: Janar-2012

=========================

Ilaz Azemi 40 euro

_________________________

Sami Zeneli 25 euro

_________________________

Naser Xani 25

_________________________

ERISA 15 euro

=========================

Muaji: Shkurt-2012

=========================

Gzim Halili 150 euro

_________________________

Xhafer Gjaka 50 euro

_________________________

Enver Hajzeri 25

_________________________

Muaji: Nentor-2012

=========================

Aslani Rejser (Danimark) 10 euro

_________________________

Xhevahir Gjonaj 50 euro

_________________________

Jeton Aliu 25 euro

_________________________

Sponzor gjeneral

VideoKlipe


Kliko ne kto ikona per ta ndegjuar radion:
Winamp windows Media Player Real Player

Dergo Urimet tuaj ne Radio Mitrovica


Fluturime nga Zvicra Kërko Fluturime te lira për Kosove Dizajn:KosovaPLUS
All Rights Reserved RadioMitrovica.eu

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close